Home
 

Home
Aktividatnan 2016
Lei i Borchi di tráfiko
Alerta
Desaroyo di Trafiko
Formashon i Resultado
Parke di Tráfiko
Aksidente di tráfiko 2015
Víktima di tráfiko 2015
Komparashon 2001–2013
Morto den tráfiko
Bista Riba 9 AÑA
Kontakto
Eksamen Di Tráfiko
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Asosashon Tráfiko Sigur Kòrsou (ATSK)

27 òktober 1950 ta funda Vereniging Veilig Verkeer Curaçao, VVV-C. E promé presidènt tabata señor H.J. Nederhorst, kende huntu ku señornan A. van Meeteren, J. Herweijer, P. Paul i M. Henriquez a forma e promé direktiva di VVV, ku na aña 1997 ta haña un nòmber na papiamentu; Asosashon Tráfiko Sigur Kòrsou (ATSK).

Segun añanan a transkurí e kantidat di outo na Kòrsou a oumentá. Mester a traha i amplia kamindanan. Aksidentenan ya no tabata okashonalmente. Tráfiko tabata hopi insigur. Ta na e momento aki e pèrsonanan ariba menshoná a ripará ku a yega e momento pa kuminsá informá i alerta pueblo riba seguridat den tráfiko.

Meta

E meta prinsipal tabata: Promové seguridat den tráfiko.

Promové seguridat te ainda ta meta di VVV/ATSK. VVV/ATSK ta purba logra su meta via kamindanan legal den koperashon ku otro organisashon, outoridat i partíkulanan. Ta traha i repartí medionan ku por yuda den e meta aki. Formashon i rekapasitashon tambe ta forma parti di e medionan pa logra e meta.

Miembresia

E direktiva aktual:

  • Rignald Cristina: Presidente
  • Eithel Baromeo: Vise presidente
  • Mariëla Helena: Tesorero/Sekretario
  • Richel Wawoe: 2° Sekretario
  • Harold Bitoria: Komisario

VVV/ATSK ta un asosashon ku ta reuní minimalmente kada 2 luna ku su miembresia. Aktualmente VVV/ATSK tin 25 miembro.

Fondo

VVV/ATSK ta risibí un supsidio di f 1212,00 mensualmente di gobièrnu. Banda di esaki VVV/ATSK ta hasi organisá diferente aktividat pa generá fondo. Esakinan ta p.e. hür e Parke di Tráfiko pa aktividatnan edukativo i Rekreativo, organisa “bon kun e” . Instanshanan privá tambe sa hasi donashon.